06.07.2007 Cun lunis ai 9 di Lui, Radio Onde Furlane e mande in onde su lis sôs frecuencis (fm 90 mhz, in Cjargne 90.2) il radiodrame di Gianni Gregoricchio “îr e doman” metût adun dal stes autôr vie pai agns '80. Si trate di un omaç al scritôr, muart sul principi di chest an, che plui voltis al veve colaborât cu la emitente furlane. Il lavôr al è gjavât fûr de conte omonime, vincidore di une edizion dal premi leterari “San Simon” di Codroip. La opare, dividude in sedis pontadis, e larà in onde ogni lunis, miercus e vinars a 10.30. Denant de prime pontade si varà un ricuart di Gregoricchio fat di Paolo Nicli, atôr e regjist de compagnie "Servi di Scena", che tai ultins agns al veve colaborât cul scritôr furlan.
