08.04.2008 Il Comitât 482 al à presentât vuê il so
sît internet gnûf pensât cun chê di promovi e di fâ cognossi lis azions dal Comitât intal cjamp de difese dai dirits linguistics des diviersis comunitâts dal Friûl. Intal sît si puedin cjatâ lis informazions su lis iniziativis, sui documents e sui comunicâts dal Comitât. Cun di plui, si pues cjatâ ancje une piçule ricuelte de normative statâl e internazionâl sui dirits des comunitâts linguistichis e nazionâls minorizadis. Il sît al permet ancje la iscrizion a une mailinglist pensade tant che imprest par meti in rêt e informâ i simptizants dal Comitât. Dongje dal sît istituzionâl al è stât metût sù ancje il
blog dal Comitât cun chê di dâ une informazion plui svelte e interative su lis bataiis in vore pai dirits linguistics, ma ancje su lis declarazions o i acjadiments di interès ta chest cjamp. In spiete des elezions dai 13 e 14 di Avrîl, il Comitât 482 al à pensât di tacâ cun cualchi schede par ricuardâ ai eletôrs ce che un pôcs di candidâts o di rapresentants politics a àn dite, massime in mert ae gnove leç regjonâl su la lenghe furlane.
