15.10.2008 Dai 16 ai 18 di Otubar si davuelç a Luleå, inte Laponie svedese, il Liet Lavlut Culture Festival, manifestazion dedicade ae culture des comunitâts minorizadis de Europe. L'apontament centrâl dal festival, dut câs, al è chel che si davuelç sabide ai 18 di Otubar cu la finâl dal concors musicâl che al viôt confrontâsi grups e cjantants che a rivin di diviersis comunitâts minorizadis europeanis, ancje dal Friûl. A rapresentâlu a son i
Carnicats che a varan di confrontâsi cun grups che a rivin dal Gales, de Bretagne, des Asturiis, de Galizie, de Corsiche, de Frisie e des comunitâts sami, mordvine, finlandese de Svezie e albanese de Italie. L'apontament si podarà viodilu in rêt des siet aes nûf di sere dal sît
www.sr.se . Ancje il public al pues votâ pal concors: i Carnicats si pues votâju sabide ai 18, ma dome des 8 e mieze aes 9 di sere, alì dal sît dal festival
www.liet-lavlut.eu .
