19.12.2005 Si scree usgnot la Mostre dal Cine Furlan rivade ae sô novesime edizion. Tra lis novitâts de edizion 2005 si à il lûc, cun di fat lis proiezions no saran plui tal Feroviari, ma alì dal Visionario di Udin. L’apontament, metût adun dal CEC, cu la colaborazion dal Comun e de Provincie di Udin, al larà indevant fintremai i 22 di Dicembar ogni sere a tacâ des 8. In concors a son 15 films, dividûts in trê sezions, ven a stâi: cine di finzion; documentaris e curtmetraçs; e cine pai fruts e pai fantats. Dongje dai films in concors si varan dut câs ancje altris voris par furlan, centradis su lis produzions pe television e pe scuele, e po ancje films e videos che a rivin di altris comunitâts minorizadis: tal 2006 si àn produzions ladinis, ocitanis e slovenis. Intant de manifestazion al sarà presentât ancje il cuart numar de riviste di cine par furlan “Segnâi di lûs”.
